Wednesday , October 24 2018
Home / Eleisaun Parlamentar / Xanana-TMR Sei Hasai Marí Hosi ZEESM, Marí: Argumentu La Validu
Primeiru Ministru, Dr. Marí Alkatiri halo entrevista ho jornalista sira iha palacio prezidensia. [Foto: Zevonia Vieira | 17.05.2018]

Xanana-TMR Sei Hasai Marí Hosi ZEESM, Marí: Argumentu La Validu

“Uluk hau ba iha ne’eba [ Oecusse. Red] mos Fretilin lakon kiik liutan, hau laos dehan atu mantein nafatin, maibe sira nia argumentu mak la validu. Hau nia desizaun ne’e hau mak hatene”. Marí Alkatiri

Relasiona ho deklarasaun hosi Aliansa Mudansa ba Progresu [AMP], ne’ebe hatoo hosi Prezidente AMP, Xanana Gusmao no Portavoz AMP, Taur Matan Ruak katak Marí Alkatiri sei sai hosi ZEESM, bainhira hahu premeiru konselho ministru iha VIII Governu.

Hosi deklarasaun refere, Primeiru Ministru, Dr. Marí Alkatiri hafoin hasoru malu ho Prezidente da Republika, Dr. Francisco Guterres Lú Olo, iha palacio prezidensia.

ba TAFARA.TL hateten katak eleisaun ne’ebe foin akontese, ne’e eleisaun nasional ka eleisaun Oecusse nian?

“Uluk hau ba iha ne’eba [ Oecusse. Red] mos Fretilin lakon kiik liutan, hau laos dehan atu mantein nafatin, maibe sira nia argumentu mak la validu. Hau nia desizaun ne’e hau mak hatene. Kuandu hau ba Oecusse Fretilin iha deit 6 mill votus, agora 10 mill votus hau tenke sai? Hau la dehan hau sai, desizaun ne’e hau nian. Sira nia argumentu ne’e mak la vale buat ida”, hateten Marí.

Iha konferensia imprensa AMP nian, iha loron 15/05, iha sede AMP Bairo Girilos, Xanana Gusmao no Taur Matan Ruak deklara katak sei haruka Marí Alkatiri sai hosi Oecusse, liu-liu hosi projetu Zonas Especiais de Economia Social de Mercado de Timor-Leste [ZEESM].

Rejiaun Administrativa Espesiál Oé-Cusse Ambeno [RAEOA] hanesan autoridade administrativu rejionál hosi Governu Timor-Leste. Visaun ZEESM mak atu harii zona komérsiu sosiál espesiál sira-ne’ebé sei fó dalan ba kresimentu ekonomia merkadu sosiál ida-ne’ebé bele serve nu’udar vizaun ba Timor-Leste. No misaun mak atu hamoris zona espesiál ekonomia merkadu sosiál sira-ne’ebé sustentavel, sustenta sira-nia an no relevante ho foku ba dezenvolvimentu umanu no kresimentu nasionál no tuir nune’e atu kria instrumentu, investimentu no polítika sira-ne’ebé nesesáriu atu halo fali nia alkansamentu sira iha Timor-Leste tomak. Projetu ZEESM rasik lidera hosi Marí Alkatiri nudar Prezidente ZEESM. * [ Zevonia Vieira | TAFARA.TL | 17.05.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *