Wednesday , October 24 2018
Home / Sosial & Politika / Xefe Negosiador Sei To’o Dili, Euclidis: La Autoriza Ema Uza ka Hatais Atributu Partidu nian
Komandante Daruak Polisia Nasional Timor Leste (PNTL) Munisipiu Dili, Superintendente Asistente Euclidis Belo halo entrevista ho jornalista sira iha aero porto. [Foto: Henrique S. de Jesus | 07.10.2018]

Xefe Negosiador Sei To’o Dili, Euclidis: La Autoriza Ema Uza ka Hatais Atributu Partidu nian

Polisia Nasional Timor-Leste [PNTL], Munisipio Dili sei garante seguransa masimu, hodi simu Xefe Negosiador Prinsipal, Kay Rala Xanana Gusmao ho ekipa.

Komandante Daruak Polisia Nasional Timor Leste (PNTL) Munisipiu Dili, Superintendente Asistente Euclidis Belo ba jornalista sira iha aero portu Prezidente Nicolau Lobato katak seguransa sei lao efetivu bainhira Xefe Negosiador to iha Dili.

“Ami sei koloka maximal, tamba aban ne’e loron eskola no servisu nian, ami sei koloka pessoal ne’ebe mak maximu para bele garante movimentu tranzitu rodaviaria, atu buat hotu bele lao diak, no ami sei blokeia dalan protokolu balun no PNTL sei la autoriza ema ida hatais ka uza atributu Partidu nian”, hateten Euclidis Belo

Komandante Euclidis Belo mos informa katak bazeia informasaun ne’ebe iha, Xefe Negosiador sei to iha Domingo maibe muda fali ba iha loron segunda 8/10.

“Tuir informasau ohin to iha Dili, maibe horseik iha oras tuku hitu kalan, ami simu fali informasaun ikus katak exelensia seidauk bele mai iha Domingo, maibe adienta fali ba loron Segunda. Hau mai iha aero portu hodi hasoru malu fali ho Komandate UNPF ho pessoal PNTL sira ne’ebe servisu, hodi garante seguransa iha postu aere portu ne’e”, dehan Euclidis Belo, aero portu 7/10.

Tuir orario ne’ebe parte seguransa prepara ona katak, aban loron Segunda oras tuku 10 dader, komesa halao ona seguransa iha dalan protokolu nian. * [Henrique S. de Jesus | Editor: Zevonia Vieira | TAFARA.TL | 07.10.2018 ]

About Henrique Soares de Jesus

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *