Wednesday , January 17 2018
Home / Siensia & Teknolojia / Youtube Go, Hare Video Youtube ho Poupa Kuota Internet

Youtube Go, Hare Video Youtube ho Poupa Kuota Internet

Youtube hanesan rede sosial ida nebe fasilita ita hodi hare, download no upload video atraves internet produz ona versaun lite, hanaran Youtube Go, nebe bele poupa kuota internet.

Aplikasaun ne’e rasik lansa iha fulan Setembro 2017 liu ba ho versaun beta, signifika foin iha faze teste, ladauk sirkula globalmente no so bele asesu iha pais balun deit.

Aplikasaun Yotube Go ninia vizualizasaun diferente ho Youtube, simples, kaman, no la iha materia promosaun (iklan). Wainhira atu hare ka download video, aplikasaun ne’e fornese alternativu ba uzuariu sira hodi hili kualidade video basic, standard, ka high quality. Refere ba Autor nia esperiensia uza aplikasaun ne’e, durasaun video ho minutus 12 konsumu kuota internet quaze 7.0MB iha qualidade basic, 51.6MB ho qualidade standard, no high quality konsumu 58.1MB.

Hanesan temi ona, tanba ladauk sirkula globalmente, iha Timor-Leste aplikasaun refere ladauk bele asesu atraves Play Store (Android) ka App Store (iOS). Maibe, ba hirak nebe mak hakarak koko no uza telemovel Android (Samsung, Oppo, Lenovo, nst.) bele download atraves link website ida ne’e, pois muda ba k’raik hodi hetan no click iha butaun DOWNLOAD APK. Remata download, instala iha ita nia telemovel hanesan bai-bain.

Atu klaru liu oinsa instala Youtube Go iha telemovel android, bele hare iha video nebe mak hatudu iha k’raik ka atraves link ida ne’e.* [Metodio Caetano Moniz | TAFARA.TL | 03.01.2018].

About Metodio Caetano Moniz

Metodio Caetano Moniz, nudar Senior Editor & Fundador TAFARA.TL, hamutuk ho Fernando A. da Costa & Zevonia Vieira.

Check Also

FELIT: Programa Female Blogger Promove Feto Iha Mundu Teknolojia

“Maioria feto iha Timor-Leste seidauk hola parte iha area teknolojia. husi seminar ida ne’e bele …

Leave a Reply

Your email address will not be published. Required fields are marked *