Wednesday , January 17 2018
Home / Sosial & Politika / YWMC Fahe Informasaun Isin Rua Sedu Iha ESG 99 Atauro
YWMC [Foto: Lian Feto Foinsa'e]

YWMC Fahe Informasaun Isin Rua Sedu Iha ESG 99 Atauro

Grupo Young Women Making Change (YWMC), halo dezaminasaun informasaun prevensaun isin rua sedu ba estudante 50, iha Eskola Sekundaria Geral (ESG) 99, Ataúro.

Grupo YWMC ka Feto Foinsa’e Halo Mudansa, ne’ebe eziste ona tinan haat nia laran, ho intensaun masimu hakarak halo mudansa ne’ebe diak ba foin sa’e sira nia future. Grupu YWMC ne’ebe hamahon an iha Alola Foundation nia okos, hala’o servisu ba foinsa’e sira nia problema, liu-liu ba feto foinsa’e nia problema, ne’ebe liga ho prevensaun isin rua sedu.

Gerente Advokasia Fundasaun Alola, Maria Evelina Iman, iha entrevista via whatsapp esplika objetivu husi atividade ida ne’e, atu hasa’e konsiensia estudante nian kona-ba prevensaun ba isin rua sedu no halo introdusaun existensia grupo YWMC.

 “Prevene a’an husi isin rua Sedu ho nia impaktu ba orgaun reprodutiva, no atu fahe informasaun Konaba YWMC nia susesu no lakuna ba halao advokasia ba asuntu refere, Liga ho politika fila hikas ba eskola no rekomendasaun CEDAW- concluding observation,” hateten Evelina.

Maria Evelina mos hateten katak atividade sei kontinua hala’o iha municipiu seluk, tanba bazeia ba rezultadu konvoka citizen forum iha nivel munisipiu mos Membrus konselho suco, hakarak halao ba iha nivel munisipiu liu-liu Manatuto, Baucau no Viqueque. No Fundasaun Alola sei fokus ba asuntu ne’e too Ministeriu Edukasaun, hodi bele Kria ona Politika fila hikas ba eskola inklui ninian implementasaun.”

Iha parte seluk, Diretor ESG 99 Ataúro, João Pereira hatete atividade ida ne’e ita labele sukat materiais, maibe informasaun hirak ne’e bele kontribui moralmente ba ita. “Ita la kompara ho materiais (materi.red) karik ba moralmente bele aumenta tan ita nia koñesimentu, ne’e ha’u senti katak valor boot tebes”, tenik João Pereira.

Diretor João Pereira husu ba nia estudante sira, atu uza didi’ak informasaun ne’ebé mak pasa husi kanal diferente, sai hanesan buka’e ida, hodi hakat ba oin, prepara futuru ida ne’ebé mak di’ak liu.

Jornalista TAFARA.TL mos hakbesik ba estudante feto ESG 99 Ataúro, Terezinha Siqueira Soares hodi husu kona-ba nia sentimentu ba hetan informasaun ne’ebé nia simu.

”Ami agradese tebes tanba bele hetan oportunidade foun, esperiensia ida ne’ebé mak furak tebes mai ami, atu prepara ba futuru ami nian, dala ida tan ami agradese no fó obrigadu,” tenik Terezinha, iha ESG 99 Ataúro, 08/09.

Estudante feto ne’e mós realsa katak, informasaun ne’ebé mak nia hetan mak oinsá halo prevensaun isin rua sedu, atu nune’e bele prepara ba future ne’ebé mak di’ak tanba nasaun presija ita.

Iha sorin seluk, António Luis nu’udar estudante ESG 99 Ataúro, espresa mós nia sentimentu kontenti tanba ho informasaun foun ne’ebé nia hetan, nia sei habelar fali informasaun ne’ebé nia rona ba kolega sira seluk. *[Maria do Ceu | TAFARA.TL | Editor: Zevonia Vieira| 08.09.2017].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Luis: PPN Blokea Ajenda Hosi AMP, Branco: AMP Husu Ajenda Ba Sira nian Interese

“Akontese maka ajenda deit, ba interese grupu ninian, atu hadau poder, entaun ami hare katak …

Leave a Reply

Your email address will not be published. Required fields are marked *