Wednesday , June 19 2019
Home / Sosial & Politika / Zaulino: Joven Forsa ba Dezenvolvimentu, Joven Labele Kaben Sedu
Presidente Alumni Parlamentu Foinsa’e hato’o hela breves palavras ba estudante secundaria AN-NUR iha atividade Dialogu komunitaria.[Foto: Zinho MD | TAFARA.TL | 02.08.2017].

Zaulino: Joven Forsa ba Dezenvolvimentu, Joven Labele Kaben Sedu

“Ita foinsa’e presija gasta tempu barak ba aprende, ba estuda hodi sai ajente ba mudansa, sai forsa moral no ajente ba kontrolu social iha Timor-Leste,” dehan Prezidente Zaulino da Silva.

Prezidente Alumni Parlamentu Foinsa’e Timor-Leste [APFTL], Zaulino da Silva hato’o lia ne’e iha sesaun abertura ba programa Dialogu Komunitaria iha Eskola Fundasaun AN-NUR, Dili, 02/08/2017.

Zaulino esplika Programa Dialogu Komunitaria ne’e nu’udar espasu ba Joven sira atu hato’o sira nia hanoin no esperansa ba governu foun, ne’ebe sei forma husi partidus politiku mais votadu sira iha tempu badak,  hanoin sira ne’ebe mak transmite ka fo liu husi diskusaun hodi hato’o ba lider sira.

Lider Organizasaun Juvenil ne’e husu mos ba partisipantes sira atu aproveita oportunidade didiak hodi sai foinsa’e ne’ebe iha potensia no forsa ba dezenvolvimentu iha Timor-Leste no joven sira labele kaben sedu.

Iha fatin hanesan Vice-Diretor asuntu Estudantil Tito Mirranda afirma, senti orgullu tamba Eskola Fundasaun An-Nur bele hetan oportunidade ba realize atividade ka programa refere.

“AN-NUR sai mos preokupasaun husi Instituisaun Estadu nian iha Timor-Leste. Husi tema ne’ebe mak iha, ne’e kapas tebes, tamba Foinsa’e sira bele aprende buat diak ruma. Ami uluk aprende historia Indonezia nian, maibe agora lae, ita aprende rasik ita nia Historia. Ne’e bele hasa’e Foinsa’e sira nian Espiritu Patriotismu no nasionalismu”, esplika Tito Mirranda.

Autoriedade Eskola ne’e husu ba estudantes sira atu fo atensaun hodi bele aprovita no aprende buat ruma husi atividade ida ne’e. Tenke banati tuir, hodi nune’e bele hatene koalia hanesan sira bainhira hetan oportunidade.

Iha sorin seluk Estudante Primeiru Ano Ciensias Teknolojia C, Jezuinha Menezes Amaral afirma katak, sente kontente ho atividade ida ne’e, tamba bele hetan oportunidade hodi halo diskusaun ho kolega sira seluk.

“Ohin ha’u aprende buat lubuk ida, Hau sei implementa iha Hau nia vida, hodi sai na’in ba paz no demokrasia.”

Programa Dialogu Komunitaria ne’e hala’o iha Eskola Fundasaun AN-NUR Dili,  partisipa direita husi Estudantes Ensinu Sekundariu AN-NUR hamutuk 100, organiza husi Alumni Parlamentu Foinsa’e Timor-Leste [APFTL], apoiu husi Gabinete Sekretaria Estadu Juventude no Desportu.* [Martinho Moniz | TAFARA.TL | Editor: Zevonia Vieira | 02.08.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *